ಹೀಗೊಂದು ಪ್ರೇಮ ಕವಿತೆ

ನಿನ್ನ ಪಡೆದು ಧನ್ಯನಾದೆನು, ನಾನು

ನಿನ್ನ ನೋಟ ನನ್ನ ನೊಟ
ಸೇರಿ ಒಂದೇ ದೃಷ್ಟಿಯು
ನಿನ್ನ ಜೀವ ನನ್ನ ಜೀವ
ಸೇರಿ ಹೊಸತು ಸೃಷ್ಟಿಯು

ನಿನ್ನ ‌ಮನಸು ಎನ್ನ ಮನಸು
ಸೇರಿ  ಆಗಲೆಮ್ಮ ಕನಸು 
ಕನಸು ನನಸು ಆದರಾಗ
ನಮ್ಮ ಜೀವನ ಸೊಗಸು

ನಿನ್ನ ಸ್ಪರ್ಶದಿ ಏನೋ ಕಂಪನ
ತನುವಿನೊಳಗೆ ರೋಮಾಂಚನ
ನಿನ್ನ ನುಡಿಯು ಎನ್ನ ಹೃದಯಕೆ
ಪ್ರೇಮತೀರ್ಥದ ಸಿಂಚನ
(ನಮ್ಮ ಜೀವನವು ಹೀಗೆ ಇರಲಿ
ಎಂದು ಬೇಡುವೆ ದೇವನ)

ಧರ್ಮ ಮಾರ್ಗದಿ ನಡೆಯುತ 
ನಾವಾಗುವ ವಿಜೇತರು
ಜನನ ಮರಣ ಚಕ್ರ ದಾಟಿ
ಆಗುವ ಪರಮಹಂಸರು

                                     -- ಹರಿಹಂಸ