ಹೂವಿನ ಅಭಿಲಾಷೆ

ಆಸೆ ಎನಗಿಲ್ಲ ಸುರಬಾಲೆಯರ 
ಆಭರಣದಿ ಪೋಣಿಸಿಕೊಳ್ಳಲು||

ಆಸೆ ಎನಗಿಲ್ಲ ಪ್ರೇಮಹಾರದಲಿದ್ದು 
ಪ್ರೇಮಿಗಳನು ಸೆಳೆಯಲು.||

ಆಸೆ ಎನಗಿಲ್ಲ ಹೇ ಹರಿ!
ಸಾಮ್ರಾಟರ ಶವವನ್ನೇರಲು||

ಆಸೆ ಎನಗಿಲ್ಲ ದೇವ ದೇವಿಯರ 
ಮುಡಿಗೇರುವ ಭಾಗ್ಯಕೆ ಗರ್ವಪಡಲು||

ಕಿತ್ತುಬಿಡು ಗಿಡದಿಂದ ಹೇ ವನಮಾಲಿ !
ಏಸೆದುಬಿಡು ಆ ದಾರಿಯಲಿ  ನನ್ನನ್ನು |
ಎಲ್ಲಿ ನಡೆದು ಹೋಗುವರೋ ಅನೇಕ ವೀರರು 
ತಾಯ್ನಾಡಿಗಾಗಿ ಅರ್ಪಿಸಲು ತಮ್ಮ ಶಿರವನ್ನು||

(ಹಿಂದಿ ಮೂಲ: ಮಖ್ಖನ್ ಲಾಲ್ ಚತುರ್ವೇದಿ

ಅನುವಾದ: ಹರಿಪ್ರಸಾದ್)

https://kaavyaalaya.org/pushp_kee_abhilaashaa